29/11/07
15/11/07
Ciencia Nosa
Dende hoxe podedes ve-lo documental gravado a finais de xullo de 2007 por un equipo do programa da TVG, Ciencia Nosa, sobre o proxecto de Neixón e mailo campo de traballo internacional. O documental foi emitido o pasado 21 de outubro.
Publicado por El Ayán o 15.11.07 3 comentarios
Categorías: Arqueoloxía e sociedade, Campaña 2007
12/11/07
Memoria
Este graffiti nunha das paredes do campo de Bustarviejo demostra que á parte das miserias políticas, neste país a xente leva anos tentando non esquencer. Xa se sabe. Os netos e mailos avós establecen azos e liñas de comunicación transxeneracionais que superan os traumas e os medos da xeración dos pais. Unha homenaxe fermosa, sen necesidade de dar nomes ás rúas ou erguir estatuas deseñadas polo escultor de culto ou de turno.
Publicado por El Ayán o 12.11.07 0 comentarios
Categorías: Arquitecturas, Memoria histórica
O traballo farávos libres
Campo de redención de penas franquista de Bustarviejo, na serra de Madrid. Unha mostra máis da arquitectura do horror e da represión. O arco da entrada insírese perfectamente na arquitectura concentracionaria fascista. Ruínas arqueolóxicas vivas dun pasado recente que cómpre recordar. Un equipo dirixido por Alfredo González Ruibal da Universidade Complutense vén de iniciar o estudo sistemático dun sitio no que foron obrigados a sofrir e morrer aqueles que non "vivían o franquismo con normalidade" (http://humanitieslab.stanford.edu/GonzalezRuibal/1206).
Fotografía: Xurxo Ayán.
Publicado por El Ayán o 12.11.07 1 comentarios
Categorías: Arquitecturas, Memoria histórica