29/3/10

Fazañas bélicas


Improvisamos unha escavación arqueolóxica no camposanto colonial. Retiramos a Unidade Estratigráfica 1 composta por condóns usados Sensation, bolsas amarelas fabricadas en China, baterías e pilas de todas as cores e tamaños, excrementos varios, galiñas momificadas e farrapos diversos. Esta actividade deposicional cobre unha estrutura esquencida: a tumba do sarxento Lambrecht Mort pour la Belgique, 21-7-41. Un mando militar, probablemente flamenco, que morreu pouco tempo despois da batalla de Gambella, quizabes como consecuencia das feridas sofridas. A súa familia nin saberá que xace aquí a rentes do río Baro, nun corazón máis de África. Morrer por Bélxica nas terras do nuer e dos añuak para acabar soterrado baixo unha lixeira. A isto conduce toda a ideoloxía bélica dos Estados-Nación, o patrioterismo militaroide, a volatilidade e estupidez agochada tras conceptos como a honra, a bandeira, o valor e mailo heroísmo. Acostumados aos memoriais do tipo dos soldados mortos no desembarco de Normandía, este triste camposanto dános outra idea do que foi a 2ª Guerra Mundial. Cousas da apaixonante Arqueoloxía do pasado contemporáneo.

4 comentarios:

lorcho dijo...

Estupidez de honra, heroismo... Dios, xa non hai homes!!.
(Bienvenido otra vez, faranji)

gg dijo...

Menudas fazañas bélicas esquecidas entre a basura!
Qué ganas de verte para que nos cuentes tus múliples anécdotas!!!

ivan dijo...

Finis Gloriae Mundi!!!

DD dijo...

Hello,

I am working on a website dedicated to all Belgians, both civilians and military, who died during the wars in which Belgium was involved.

In this context I would like to have more information about the grave presented on this page.

May I ask you to take contact with me ?

My e-mail is danny.delcambre[at]skynet.be