8/5/09

Pedra e tempo


Aldea en Pontecaldelas. Terra de canteiros, de emigrantes a Lisboa e a Río de Janeiro. Unha esquela adorna a porta dunha capela: Mario de Souza Vázquez, nacido en Río hai 90 anos. R.I.P. Historias de ida e volta. Chalets indianos de comezos de século, casiñas labregas abandonadas. Hoxendía, este curioso hinterland de Pontevedra e Vigo acolle segundas residencias de médicos, avogados, neohippies, neorrurais... a aldea revive con novas e vellas arquitecturas, mentres segue esmorecendo a ruína etnoarqueolóxica dunha sociedade campesiña que xa non é.