Excelente o traballo desenvolto polo equipo dirixido por Jaime Vives-Ferrándiz (Museu de Prehistòria de València) no xacemento ibérico de La Bastida de les Alcusses. Un proxecto que combina recuperación e crítica historiográfica (escavacións antigas de 1928-1931), investigación básica e arqueoloxía experimental, difusión e Arqueoloxía Pública. O poboado foi destruído de xeito violento polo que se conserva nun estado incríble. As últimas intervencións veñen poñer sobre a mesa a posibilidade de que albergase un palacio, con todo o que iso conleva. Pero tamén evidencia un espectacular proceso de ritualización da entrada con varios depósitos votivos (coetáneos) de armas, quizabes unha plasmación da estrutura social artellada en liñaxes. Así e todo, o que máis impresiona é a paixón que destilan os responsables científicos do proxecto, xa sexa vestíndose de íberos nas actividades co público ou abrindo por primera vez dende 1928 bolsas pechadas polos investigadores devanceiros. Co xente así constrúese Patrimonio, e non hai outra.
1 comentario:
lembra a cabezo de azaila
http://es.wikipedia.org/wiki/Cabezo_de_Alcalá
Publicar un comentario