Arqueoloxía de campo

Hai unha serie de factores que marcan o atractivo que posúe a Arqueoloxía na sociedade en xeral. O misterio de atopar cousas soterradas. O contacto físico co pasado. A posibilidade de apalpar obxectos e restos materiais de sociedades que desapareceron (véxase o libro de Cornelius Holtorf From Stonehenge to Las Vegas. Archaeology as Popular Culture. Landham: Altamira Press, 2005). Todas estas variables son manexadas de maneira apaixonada polos escolares, que reflexionan sobre a Arqueoloxía a través da práctica, mediante algo que gosta sempre: enzoufarse na terra á procura de respostas.