6/5/09

Serra da Estrela

A paisaxe glaciar máis meridional de Europa, a serra da Estrela na Beira interior, a montaña de Portugal. Novamente, os vértices xeodésicos emerxen apropiándose do espazo, xenerando un territorio cartografiado, medido, controlado. Veñen substituír aos petroglifos, ás cruces, ás capelas que coroan batolitos e espazos simbólicos, lugares onde pasaban cousas, por veces, inexplicables. A domesticación moderna dunha paisaxe salvaxe, de toda unha cartografía da saudade.