13/7/08

Numisma


Velaí tedes o noso primeiro achado na campaña 2008, na capa vexetal do Castro Pequeno de Neixón. Unha peseta de 1966. Segundo os expertos en numismática, o busto de Franco foi remodelado daquela por Juan de Avalos co gallo de adaptalo aos 74 anos dos que gozaba o ditador. Asemade, variou a aleación, que introduciu unha pequena liga de níquel e aumentou a proporción de cobre. O prezo desta peza devala en eBay entre o 1.50 e os 5 euros.
Unha presunta instalación artística vén de chantar en Caldas de Reis unha fonte coa cabeza de Franco. Escasa orixinalidade. O noso país está inzado de lavadoiros, casas e fontes co escudo de Falanxe nesa inmensa instalación artística que foi o rexime nacional-católico franquista. Xa postos en plan artista-rompedor-es-que-no-me entendéis-paletos-de-pueblo tamén podemos vacilar coas foxas dos represaliados, co Valle de los Caídos ou coas fotos das mulleres rapadas coas ropas machadas de merda por mor do aceite de ricino. Total, na arte, todo vale.
Alomenos, a peseta de Neixón amosa a mellor das realidades: que gran parte da ditadura franquista se atopa baixo terra, é rexistro arqueolóxico. Mellor así.

2 comentarios:

presi dijo...

Quiero más achádegos!!!
Información en tiempo real.

El Templado dijo...

Ah, la nostalgia de momentos neixonenses me embarga. Se sigue con interés la campaña en la distancia, que lo sepáis.
Queremos noticias en tiempo real; y con promesa de que mi paletín Mjolnir se pasará por la reopública independiente.