A dous carrillos

Unha mandíbula de ovella ou cabra agroma no perfil dunha sondaxe. Sucesivos depósitos de cunchas sucédense, enchendo o interior dun foxo defensivo do Castro Grande. Cunchas de ameixas, caramuxos, mexilón e, sobre todo, ostras. Refugallos dunha mariscada. De segundo, coma sempre, a elixir: carne ou pescado. Todo un banquete, aínda que está palabra causa alerxia aos arqueólogos positivistas. Eu creo que deberían de ler máis Astérix e Obélix, tomando nota da viñeta final.